کۆماری هاوسەنگ: سیستەمی فەرمانڕەوایی دەوڵەتی کوردستان

کۆماری هاوسەنگ؛ سیستەمی فەرمانڕەوایی دەوڵەتی کوردستان لە دەستووری کۆماری کوردستاندا

هەر کۆمارێکی تازەدامەزراو، پێش ئەوەی تەنیا ناوی دەوڵەت ڕابگەیەنێت، دەبێت وەڵامی پرسێارێکی بنەڕەتی بداتەوە: دەسەڵات چۆن ڕێکدەخرێت؟ کام دامەزراوە بڕیار دەدات؟ کام دامەزراوە یاسا دادەڕێژێت؟ کێ دەسەڵات کۆنترۆڵ دەکات؟ و چۆن دەتوانرێت ڕێگری بکرێت لەوەی کۆمار ببێتە ئامرازی دەستی تاکەکەسێک، حزبێک، بنەماڵەیەک یان چینێک؟ دەستووری کۆماری کوردستان وەڵامەکەی لە چوارچێوەی جۆرێک لە «کۆماری هاوسەنگ»دا دەداتەوە؛ کۆمارێک کە تێیدا دەسەڵات هەم توانای بڕیاردانی هەیە، هەم لە بەردەم یاسا، نەتەوە و دامەزراوە سەربەخۆکاندا ڕادەگیرێت و سنووردار دەکرێت.